 |
| Sen. Antonio Trillanes and Former Vice President Jejomar Binay, photo from Politiko - politics.com.ph |
Ang impormasyon ay inaprubahan ni Senior Deputy State Prosecutor Richard Anthony Fadullon at isinampa sa Makati Regional Trial Court Branch.
Ang libel case, na inihain ni Binay noong Setyembre 2015, ay nag-ugat sa pahayag ni Trillanes sa Philippine Daily Inquirer na uungkatin ng Senate blue ribbon committee ang diumano’y P100 milyong racket nito sa Makati City.
May kinalaman naman ito sa akusasyon ni Trillanes na binayaran ni Binay ng tig-25 million pesos ang dalawang mahistrado ng Court of Appeals kapalit ng hindi pagpapalabas ng temporary restraining order sa implementasyon ng suspension order laban sa dating alkalde.
Inilabas ni Trillanes ang pahayag noong kasagsagan ng imbestigasyon ng Senado sa overpriced projects na Makati City, kabilang Makati City Hall parking building at Makati Science High School, na nagresulta sa hiwalay na kasong graft laban sa dating Bise President at anak nitong si dating Makati City Mayor Junjun Binay.
Si Trillanes ay may nakabinbin pang kasong libelo sa Makati RTC Branch 142 na inihain ni Junjun Binay. Ito’y kaugnay ng pahayag ni Trillanes noon na bahagi ng sindikato ang pamilya Binay.
Ayon kay Atty. Claro Certeza, abogado ni Binay, ang resulta ng pag-aaral ng Department of Justice na kasuhan si Trillanes ay nagpapatunay na mga kasinungalingan lang ang mga alegasyon laban sa mga Binay.
Wala pang komento si Trillanes kaugnay nito.
Source: rmn.ph
