“Ayaw ko makialam diyan.”, pahayag ni Pres.Duterte kay Sereno patungkol sa kanyang impeachment

President Rodrigo Duterte and Chief Justice Ma. Lourdes Sereno, photo from ABS-CBN News

“Ayaw ko makialam diyan.”, ito ang reaksyon ni Pangulong Rodrigo Duterte kay Chief Justice Ma. Lourdes Sereno sa pag-angkin na siya ang hindi nakikitang pasimuno sa kanyang impeachment complaint sa House of Representatives.

Sa panayam noong Martes, sinabi ni Duterte na mali si Sereno.



“Alam mo, sinabi sa akin merong narinig na si Sereno, ‘Duterte is out to…’ Ha, ako raw? She can ask anybody, I guarantee you. I’ll make a guarantee, magtanong siya diyan kung may nilapitan ako na sinasabi ko, ‘Impeach niyo si Sereno’,” pahayag ni Pres. Duterte sa panayam.

Sa isang eksklusibong interbyu sa ANC ni Karen Davila, sinabi ni Sereno: “Does he (Duterte) have a hand in my impeachment? I go by his official pronouncement and I wish him success as a President but I hope he understands that checks and balances are very, very important for any democracy.”



Sinabi ni Duterte na kung nagsalita siya tungkol kay Sereno, reaksyon lamang ito sa masamang reaksyon laban sa kanya mula sa publiko at sa kanyang mga kapantay sa Korte Suprema.

“Except the public, ‘yung I reacted because of the so many complaints for coming in — from the Justices themselves, the way she conducted… But that was it,” ayon kay Pangulong Duterte.

Idinagdag pa ng Pangulo na, “Ma’am Sereno, I’m sorry to tell you and you can investigate the whole town and i-commission mo lahat ng mga journalists who are good at investigative journalism kung may kinausap ako na tao about your impeachment,”

Source: politics.com.ph