 |
| Atty. Glenn Chong and Sen. Antonio Trillanes, photo compiled from Google |
Nitong Nobyembre 16, isang grupo ng mga abogado kabilang ang dalawang dating
commissioners sa Commission on Human Rights (CHR) ang nagsampa ng multiple
criminal charges laban kay Sen. Antonio Trillanes IV dahil sa diumano'y
pag-uusig sa sedition, panukala na gumawa ng kudeta, at para sa
pinaghihinalaang graft and corruption.
Isa sa mga nagreklamo ay si Atty. Glenn Chong, sa post
nito sa Facebook, nagsabi na nag-file sila ng mga kaso laban kay Trillanes sa
Opisina ng Prosecutor sa Pasay City dahil sa mga paglabag na ito:
“1. Art. 142 ng Revised Penal Code for Inciting to Sedition
o pangungudyok upang magkaroon ng kaguluhan;
2. Art. 136 ng Revised Penal Code for Proposal to Commit
Coup d’etat o pagmungkahi sa militar na magsagawa ng coup d’etat; at,
3. Sec. 3(e) ng Republic Act No. 3019 for graft and
corruption.”
Ipinahayag din ni Chong ang kanyang personal na interes sa kaso laban kay Trillanes:
“At kung manaig ang kanilang destabilisasyon, hindi na natin
malalaman ang katotohan tungkol sa nangyaring dayaan noong nakaraang halalan.
Sa ilalim lamang ng administrasyong ito may totoong pag-asa tayo na lumabas ang
katotohanan at matuldukan ang malawakang dayaan sa halalan. Here lies my
personal interest sa kaso laban kay Sen. Trillanes.”
Para sa karagdagang impormasyon tungkol sa kasong ito, mangyaring basahin ang buong pahayag ni Chong sa nasabing isyu:
“TINUPAD NAMIN ANG AMING PANGAKO
Noong nakaraang linggo, nangako kami na sasampahan ng kasong
kriminal si Sen. Trillanes pagkatapos ng ASEAN Summit. Kahapon, tinupad namin
ito. Sinampahan namin siya sa Prosecutor’s Office ng Pasay City ng ilang beses
ng paglabag sa:
1. Art. 142 ng Revised Penal Code for Inciting to Sedition o
pangungudyok upang magkaroon ng kaguluhan;
2. Art. 136 ng Revised Penal Code for Proposal to Commit
Coup d’etat o pagmungkahi sa militar na magsagawa ng coup d’etat; at,
3. Sec. 3(e) ng Republic Act No. 3019 for graft and
corruption.
Ang kanyang privilege speech sa Senado noong October 3, 2017
kung saan ginawa niya ang paglabag sa batas sa pamamagitan ng pangungudyok ng
kaguluhan at pagmumungkahi ng coup d’etat ang pinagbasehan ng aming reklamo.
Inulit pa niya ang mga paglabag na ito sa labas ng Senado tulad ng meeting ng
Tindig Pilipinas sa UP at sa mga pahayag niya sa media.
Hindi sapat na depensa ni Sen. Trillanes na ang kanyang
privilege speech sa Senado ay isang protektadong talumpati sa ilalim ng
saligang-batas.
Ayon sa kasong US vs. Brewster (408 US 501), isang landmark case sa Amerika, pinakakasuhan si Sen. Brewster ng US Supreme Court dahil diumano ay tumanggap siya ng suhol o bribe kapalit ng kanyang boto sa mga panukalang batas sa postage rates at immigration. Depensa ni Brewster, hindi pwedeng busisiin ang kanyang motibo sa pagboto dahil ito ay legislative act at protektado ng Speech and Debate Clause ng kanilang saligang-batas. Hindi siya kinatigan ng Korte dahil ang pagtanggap ng pera kapalit ng boto ay malinaw na hindi legislative act. Ibig sabihin, kapag may nalabag na batas ang isang senador hindi ito protektado ng Speech and Debate Clause.
Sa kaso ni Sen. Trillanes, nilabag na niya ang Arts. 142 at
136 ng Revised Penal Code at Sec. 3(e) ng RA 3019 habang siya ay nagtatalumpati
kaya hindi na ito protektado ng Speech and Debate Clause sa ilalim ng ating
saligang-batas. Ang Speech and Debate Clause natin ay hango mula sa Speech and
Debate Clause ng saligang-batas ng Amerika kaya ng mga kaso doon tungkol sa
isyung ito ay may mabigat na timbang o persuasive effect sa parehong mga kaso
dito sa atin.
Ang panggugulo o destabilisasyong ito ni Sen. Trillanes ay
hindi lamang atake kay Pangulong Duterte at maging kay Sen. Richard Gordon na
kanya ring kinaladkad dahil ayaw sumunod sa kanyang kagustuhan. Ito ay atake
mismo sa katatagan ng ating republika. Walang maidudulot na mabuting
kahihinatnan ang kaguluhan. Kung magsialisan ang mga namumuhunan dahil sa
kaguluhan, mawawalan ang trabaho ang karamihan ng ating mga kababayan. Hindi
natin ito papayagan.
At kung manaig ang kanilang destabilisasyon, hindi na natin
malalaman ang katotohan tungkol sa nangyaring dayaan noong nakaraang halalan.
Sa ilalim lamang ng administrasyong ito may totoong pag-asa tayo na lumabas ang
katotohanan at matuldukan ang malawakang dayaan sa halalan. Here lies my
personal interest sa kaso laban kay Sen. Trillanes.
(Kasama namin bilang complainants ay 2 dating commissioners
ng Commission on Human Rights.)”
Source: Atty. Glenn Chong
