 |
| President Rodrigo Duterte and Senator Trillanes, photo from Filipinoinfo.com |
Ayon sa isang pakikipanayam kay Pangulong Rodrigo Duterte na ginanap sa isang government station PTV-4, sinabi niya na ang kanyang kritiko na si Senador Antonio Trillanes IV ay mapanganib at ambisyoso, at sinabi rin na gusto ng senador na puksain siya.
“Ito si Trillanes, ano ito, salbahe na tao. Salbahe talaga ‘to. He takes it personal, kasi bilib masyado sa sarili,"
"Gusto niya akong makausap [bago noong 2016 presidential election]... Kinausap niya ako na gusto niyang mag bise presidente sa akin. Sabi ko, ‘Ayaw ko.’”
Sinabi ni Duterte kay Trillanes na hindi siya tatakbo para sa pangulo. “Pero hindi ko lang masabi na, ‘Ikaw klaseng tao, maging bise ko?’"
“One night before the election, tumawag siya. Hindi ko ito kilala ‘tong ‘to eh. – Ayaw kong makipagkita dito sa mga ganitong klaseng tao eh. Tapos ito siya, gusto niya akong makausap. Pumunta ako sa Linden. Ito ‘yung picture, the only picture that Ihave with him,” pahayag ng Pangulo.
"Alam mo, pagkatapos ng inauguration ko, hindi pa ako nakababa diyan… may putok na ng baril. Pareho kami ni [Ninoy] Aquino. Mahulog na ako,” idinagdag ni Pangulong Duterte, tinutukoy ang assasination ng dating Senador Benigno "Ninoy" Aquino Jr. sa Manila International Airport noong 1983.
“[Trillanes] is very dangerous—ambitious kasi, eh. Eh, gusto kaagad bise presidente. Gusto itong mag-presidente. Hoy, Pilipino, gumising kayo sa mga ito,” dagdag pa ni Duterte.
Sinabi ni Duterte na ang mga pinaghihinalaang account ni Trillanes ay na-link sa kanyang South China Sea dispute backchannel talks sa China.
Tinanggihan niya ang hamon ni Trillanes na pumirma siya ng isang bank secrecy waiver upang patunayan na siya ay matapat tungkol sa kanyang kayamanan.
Source: politics.com.ph
